ISO 22483:2020 – Standardi i ri për të mbështetur Turizmin dhe Shërbimet Hotelerisë

Qëllimi i standardit ISO 22483:2020 është të ofrojë një model të përbashkët referimi për strukturat pritëse dhe të sigurojë një shërbim cilësor për klientët duke përcaktuar kërkesat dhe udhëzimet e përshtatshme.

Ky standard ndërkombëtar përcakton kërkesat e sistemeve të menaxhimit të dedikuara për Turizmin dhe shërbimet hotelerie (hotele, rrjetet turistike, hostele).

Organizmi ynë “e-Cert” thekson rëndësinë e këtij standardi, i cili ofron një kornizë të përshtatshme për menaxherët të cilët duhet të sigurojnë atë shërbim cilësor që, pa marrë parasysh klasën ose kategorinë, klienti e pret nga një strukturë që vepron në këtë sektor.

Në tregun aktual, subjektet e përfshira përballen me sfida të shumta: të dallohen nga konkurrenca, të kuptojnë nevojat e publikut dhe të fitojnë besimin e tyre, të sigurojnë performancë optimale të shërbimeve të ofruara, sepse konsumatorët gjithmonë kërkojnë transparencë të madhe nga ato struktura të turizmit dhe hotelerisë.

ISO 22483 fokusohet në vlerësimin e të gjitha shërbimeve të ofruara nga strukturat e sektorit: • informacioni dhe komunikimi;

• rezervimi;

• regjistrimi dhe largimi (checkin dhe checkout);

• manaxhimi i bagazheve;

• akomodimi (dhomat, mobilimi, pajisjet); • ushqimi (shërbimi i vakteve, kuzhina, shërbimi në dhomë);

• shërbime shtesë (shërbimi për klientët, spa, pishina, palestra, parkimi, etj).

Të qenit i certifikuar me këtë standard për bizneset e këtij sektori në zhvillim në Shqipëri përfaqëson një mundësi për përmirësim, një mënyrë për të vlerësuar cilësinë e shërbimeve të ofruara dhe për të siguruar kënaqësinë e klientit, si dhe një mundësi për të identifikuar çështje të mundshme që me kohë mund të bëhen një avantazh konkurrues.

Për kompaninë e certifikuar, kjo do të thotë hapjen për një sërë të mundësive të tjera: • të ketë një model organizativ të referencës së vet;

• të optimizojë burimet;

• të zvogëlojë rrezikun e sanksioneve administrative;

• të promovojë operacione të vlefshme dhe të ndikushme;

• të rrisë reputacionin e vet.

Certifikimi synon të japë besueshmëri strukturave pritëse, një besueshmëri e garantuar përmes vlerësimit të sistemit të menaxhimit nga Palë të Treta kompetebte që japin një vlerësim të autoritar, të paanshëm dhe të pavarur në përputhje me standardin.

Certifikimi, sipas përkufizimit të ISO-s, është një garanci e shkruar nga një organ i pavarur (në këtë rast, turpa jonë “e-Cert”) që një produkt, një shërbim ose një sistem përmbush kërkesat specifike.

Duke fituar certifikimin ISO 22483 nga “e-Cert”, hoteli juaj tregon angazhimin e tij për të ofruar shërbime të cilësisë së lartë dhe për të përmbushur standardet ndërkombëtare të sektorit turistik dhe hoteler.